ТРОПАРЬ, КОНДАК, ВЕЛИЧАНИЕ святому Иоанну Златоустому
Тропарь святому Иоанну Златоустому
Тропарь, глас 8:
Уст твоих якоже светлость огня возсиявши благодать, вселенную просвети: не сребролюбия мирови сокровища сниска, высоту нам смиренномудрия показа. Но твоими словесы наказуя, отче Иоанне Златоусте, моли Слова Христа Бога, спастися душам нашым.
Кондак, глас 1 (перенесение мощей):
Возвеселися таинственно честная Церковь, возвращением честных твоих мощей, и сия сокрывши яко злато многоценное, поющым тя неоскудно подавает молитвами твоими исцелений благодать, Иоанне Златоусте.
Кондак, глас 6:
От небес приял еси Божественную благодать, и твоими устнами вся учиши покланятися в Троице Единому Богу, Иоанне Златоусте, всеблаженне преподобне, достойно хвалим тя: еси бо наставник, яко Божественная являя.
Величание
Величаем тя, святителю отче Иоанне, и чтим святую память твою: ты бо молиши за нас Христа Бога нашего.
Назад к списку